சிவவாக்கியர் — பாடல் 49
அறையினில் கிடந்துபோது அன்று தூமை என்கிறீர்
துறை அறிந்து நீர் குளித்த அன்று தூமை என்கிறீர்
பறையறைந்து நீர் பிறந்த அன்று தூமை என்கிறீர்
புரை இலாத ஈசரோடு போருந்துமாறது எங்ஙனே?
---
உரைநடை சுருக்கம் (கம்பீரமாக)
பெண்களின் நிலை, பிறப்பு, இறப்பு போன்ற இயற்கை நிகழ்வுகளை
“தீட்டு” எனப் பெயரிட்டு
மக்களின் வாழ்க்கையை கட்டுப்படுத்திக் கொண்டிருந்த
சமூக பழக்கவழக்கங்களையும்,
அவற்றை ஆதாரமாக்கிக் கொண்டு
வேதம் ஓதி வாழும் சிலர் உருவாக்கிய
பயம்—மாயையையும்
சிவவாக்கியர் கடுமையாகக் கேள்வி எழுப்புகிறார்.
உடலின் உள்ளே பரம்பொருள் உறைகிறான்.
அப்படியிருக்க இந்த உடல் “தீட்டு” எனப்பட்டால்,
தூய்மையான ஈசன் அதில் எப்படி உறைவான்?
உண்மையான தூய்மை —
உள்ளத்தின் சுத்தம்;
அறியாமையை அடிப்படையாகக் கொண்ட
வெளிப்புற விதிகளல்ல.
அன்புடன்,
சி எஸ் சிவா
கருத்துகள் இல்லை:
கருத்துரையிடுக