கண்மணி நில்லு காரணம் சொல்லு

கண்மணி நில்லு காரணம் சொல்லு;

கண்மணி,

நீ இப்படி

சுழன்றபடியே இருந்தால்,

உள் அமைதியின் காரணம்

எனக்கெப்படி தெரியும்?

ஒரு கணம் —

நில்லு…

உள்ளத்தில் எழும் ஒளியை

அமைதியாக உணர்ந்து பார்.

கண்மணி,

என் உள்ளத்தின் மீது

உனக்குச் சிறிதும் இரக்கம் 

இல்லையா?

என்னை ஒருமுறை

அன்போடு பார்த்தால் போதும்…

அந்த பார்வையில் உருகும் கருணையால்

என் இருள் அகன்று விடும்.

அப்பொழுது எனது

இருதயம் விழித்தெழும் —

அங்கு

சூரியனும் சந்திரனும் போல

இரண்டு ஒளிகள்

அமைதியாக சேர்ந்து நிற்கும்.

நீ

உன் பார்வையை என் உள்ளே திருப்பினால் தான்

மறைந்திருந்த மூன்றாவது விழி திறந்து

ஞானத்தின் ஒளி வெளிப்படும்.

அந்த நொடியில்தான்

நம் வாழ்க்கையும் தெளிவாகிறது.

நானும் வாழ்வேன் —

அந்த ஒளியின் அரணில்.

என்னை மெதுவாகக் கவர்ந்து

உன் இருதயத்தில் இடம் கொடுத்து

அன்போடு காப்பாற்றுவாயாக…

அந்த பராபர வெட்டவெளியில் 

சொற்கள் இல்லாமல்

அமைதியே பேசும்.

சி எஸ் சிவா