திருக்குறள் கடவுள் வாழ்த்து.7
தனக்குவமை இல்லாதான் தாள்சேர்ந்தார்க் கல்லால்
மனக்கவலை மாற்றல் அரிது.
பொருள்
ஒப்பாரும் மிக்காரும் இல்லாத குரு —
அவரே உண்மையான வழிகாட்டி.
அவரின் ஞானம் வெளிச்சம் போல;
அவரின் கருணை நின்ற மழை போல.
அவர் அருகில் வந்த மனம்
எவ்வளவு குழப்பத்தில் இருந்தாலும்
அது மெதுவாக தெளிவடைகிறது.
ஏனென்றால் குரு மனித உருவில் இருந்தாலும்,
அவரின் உள்ளம் எப்போதும் உயர்ந்த ஒழுக்கத்தில்,
மாறாத அமைதியில்,
எந்த எதிர்ப்பும் கலக்காத கருணையில் நிற்கிறது.
அவர் சொல்லும் வார்த்தை
புத்தக அறிவல்ல; அனுபவ அறிவு.
அவர் காட்டும் பாதை
நமக்காகத் தேர்ந்தெடுக்கப்பட்ட பாதுகாப்பான நடைபாதை.
இந்தக் குருவின் பாதத்தைப் பற்றிக் கொண்டால்—
மனக்கவலை தானாகே குறையும்.
ஏனெனில் நாம் இனி தனியாக நடப்பதில்லை;
ஆதாரமாக நிற்கும் ஒரு உயர்ந்த உள்ளம்
எந்நேரமும் நம்மை வழிநடத்துகிறது என்ற உணர்வு வருகிறது.
இத்தகைய குருவின் அருளை உணர்ந்த மனம்
திசை தெரியாமல் அலைபாயாது;
நம்பிக்கையுடன்,
தெளிவுடன்,
மன அமைதியுடன் முன்னேறும்.
சி எஸ் சிவா
